А Серия. "Рома" дербида йирик ҳисобда ғалаба қозонди, Абраҳамдан эса дубль

А Серия 30-туридан ўрин олган "Рома" - "Лацио" учрашуви якунига етди. Унда мезбонлар 3:0 ҳисобида ғалаба қозонди. 

Ўйиннинг илк дақиқасидаёқ Абраҳам ҳисобни очди. 22-дақиқа ўтиб бораётган бир пайтда унинг ўзи орадаги фарқни иккитага етказиб қўйди. Бўлим тугаши арафасида Пеллегрини ҳисобни йирик кўринишга келтириб қўйди. 

Ушбу натижадан сўнг "бўрилар" ҳисобидаги очколари сонини 51 тага етказиб олди. Айни вақтда улар Италия чемпионати турнир жадвалида 5-ўринни банд этган. 49 очкоси бор "бургутлар" 6-поғонада бормоқда. 

Қайд этиш лозим, ҳамюртимиз Элдор Шомуродов мазкур ўйинда захирада қолдирилди.