А Серия. "Рома" ғалаба қозонди. Шомуродов 86-дақиқада захирадан қўшилди

Италия А Серияси 5-тур доирасидаги "Рома" – "Удинезе" учрашуви якунланди. Мазкур баҳсда Жозе Моуриньо шогирдлари минимал ҳисобда ғалаба қозонди. 

Ўйиндаги ягона гол 36-дақиқада Абрахам томонидан киритилди.Рикардо Калафьорининг узатмасидан сўнг қулай позицияда турган Тэмми тўпни дарвозага жойлаб қўйди.

Легионеримиз Элдор Шомуродов 86-дақиқада Абрахам ўрнига захирадан қўшилди.

• 90+3'
  

  Учрашув якунланди. Мазкур баҳсда майдон эгалари кичик ҳисобда ғалаба қозонди

• 90+1'
  

  Йенс Ларсен бурчак зарбасини амалга оширди. Ҳимоячилар ишончли ҳаракат қилди.

• 90'
  

  Иккинчи сариқ карточка билан огоҳлантирилган Пеллегрини ўйиндан четлатилди

• 89'

  Роберто Перейранинг узатмасини ҳимоячилар қайтарди

• 86'
  

  Абрахам майдонни тарк этди унинг ўрнига Шомуродов тушди

• 82'

  Пеллегрини фол ишлатди

• 81'

  Делофеу дриблинг кўрсатмоқчи эди, бироқ тўпни ўзига мослаштира олмади

• 78'

  "Удинезе" тўпни ўзида сақлаб турибди. Рақиб эса кучли пресинг қилмоқда

• 74'
  

  Заньоло ўрнига майдонга Стефан Эл-Шаарави туширилди

• 73'

  Делофеу икки ҳимоячини ортда қолдириб, зарба бериш учун қулай позицияга чиқиб олди ва кучли зарба йўллади. Ноаниқ

• 70'
  

  Рикардо Калафьори ўз ўрнини Крис Смоллингга бўшатиб берди

• 69'

  Брандон Соппининг зарбаси дарвоза тўсинининг ёнидан ўтиб кетди

• 67'

  Брайан Кристанте ва Рикардо Калафьорига ҳакам томонидан сариқ карточка кўрсатилди

• 62'

  ЗАРБАА! Айенома Удогиенинг зарбаси дарвозанинг ёнгинасидан ўтиб кетди

• 60'

  Пеллегрини жамоадоши томонидан амалга оширилган узун пасни қабул қилиб олди кейинчалик ҳимоячи қоида бузмай ундан тўпни олиб қўйди

• 56'
  

  Лоренцо Пеллегрини ҳакам томонидан огоҳлантирилди

• 52'

  Ҳакам Заньоло тўпни қўли билан ўйнаги учун баҳсни тўхтатди. Николо эса ҳакамга қўл билан ўйнамаганини исботламоқчи бўляпти

• 50'

  Рик Карсдорп  рақиб футболчисига нисбатан қўпол ўйнади

• 49'

  Михитарянанинг зарбаси ноаниқ чиқди

• 46'
  

  Иккинчи бўлим бошланди

• 45+2'
  

  Биринчи тайм якунланди. Ҳозирча майдон эгалари 1:0 ҳисобида олдинда бормоқда

• 45+2'

  Роджер Ибанез фол ишлатди

• 45'
  

  Биринчи бўлимга 2 дақиқа қўшиб берилди

• 43'

  Делофеу жарима майдони томон соло юриш амалга оширди, лекин зарба бериш позициясига чиқа олмади ва якунда ҳимоячи тўпни олиб қўйди

• 41'

  Игнасио Пуззетто яқин масофадан зарба йўллади, ҳимоячи бош билан тўпни майдон ташқарисига чиқариб юборди. Ҳакам бурчак зарбаси амалга оширилиши кўрсатди

• 38'

  Пеллегрини рақиб футболчисига нисбатан қоида бузди

• 36'
  

  ГОООООООООЛ! Рикардо Калафьорининг узатмасидан сўнг қулай позицияда турган Абрахам тўпни дарвозага жойлаб қўйди

• 32'

  Стандартдан сўнг тўпни Пеллегрини қабул қилиб олди ва зудлик билан уни йўқотди. Ҳимоячи ишончли ҳаракат қилди

• 31'
  

  Уоллас огоҳлантирилди

• 29'
  

  "Удинезе"да яхши имконият содир бўлиши мумкин эди, бироқ Игнасио Пуззетто офсайда қолиб кетганди

• 28'

  Михитарян тўпни жарима майдони ичига узатди, лекин хавфли вазият вужудга келмади

• 25'
  

  Жерар Делофеу бурчак зарбасини амалга оширди. Тўп тўғри "Рома" ҳимоячиларига бориб тушди

• 20'

  Заньоло қулай имкониятдан фойдалана олмади. Ўнг пастги бурчаккка тўпни юмалатиб қўйса кифоя эди. Афсус...

• 18'
  

  Марко Сильвестри Пеллегрининг кучли зарбасини ажойиб сейв кўрсатиб қайтаришга эришди

• 13'

  "Рома" тўпни назорат қилмоқда. Майдон марказижа футболчилар майда паслар билан ўйнамоқда. Моуриньо шогирдлари рақибнинг хатосини кутмоқда

• 10'

  Делофеунинг жарима майдони ичига узатган тўпини ҳимоячилар қайтаришга эришди

• 8'
  

  Бурчак тўпидан сўнг Брайан Кристанте бош билан ноаниқ зарба йўллади

• 5'

  Михитарянннинг дарвоза томон йўллаган зарбасига аниқлик етишмади

• 3'
  

  Родриго Бекао жароҳат олган кўринади. Майдонда унга тиббий ёрдам кўрсатилмоқда

• 1'
  

  Ҳакам хуштаги янгради ва учрашувга старт берилди

• 0'

  Жамоалар майдонга чиқиб келишмоқда