А серия. Шомуродов захирадан майдонга тушган ўйинда "Рома"нинг "танобини тортиб қўйишди"

Италия А серияси 5-ьури доирасидаги "Удинезе" - "Рома" учрашуви якунига етди. Қизиқарли ва голларга бой ўтган беллашувда майдон эгалари Рим клубини йирик 4:0 ҳисобида мағлуб этишди. 

Ўйиндаги голларга Ийенома Удоги, Лазар Самаржич, Роберто Перейра, Санди Ловрич каби футболчилар муаллифлик қилди.

Шу тариқа Моуриньо бошчилигидаги "Рома" мавсумдаги илк мағлубиятини қабул қилиб олди ва очколари 10 талигича қолди. Шунингдек, улар турнир жадвали етакчиси бўлиб олиш имкониятини йўққа чиқарди. "Удинезе" эса 10 очко билан етакчилар қаторига қўшилиб олди. Легионеримиз Элдор Шомуродов учрашувнинг 77-дақиқасида майдонга тушди, бироқ айтарли ҳаракатлари билан ажралиб тургани йўқ.