А Серия. "Ювентус" янги футболчиларининг голи эвазига ғалаба қозонди

А Сериянинг 24-туридан ўрин олган "Ювентус" - "Верона" учрашуви якунига етди. Ушбу баҳсда мезбонлар 2:0 ҳисобидаги ғалабани қўлга киритди.

Ўйиндаги голларга 13-дақиқада Душан Влахович муаллифлик қилган бўлса, 61-дақиқада Денис Закария ҳисобни 2:0 кўринишига келтириб қўйди.

Шу тариқа, "Ювентус" очколари сонини 45тага етказиб, турнир жадвалида 4-ўринга кўтарилиб олди.

"Верона"нинг очколари сони 33талигича қолди ва клуб жадвалда 9-поғонадан ўрин эгаллаган.