“Аббос, сен штанга кўтариб юрма!” Файзуллаев трансферини танқид қилган эксперт энди бошқача гапиряпти...

“Пахтакор” клуби тарбияланувчиси Аббосбек Файзуллаев август ойида Москванинг ЦСКА жамоаси сафига кўчиб ўтган эди.

Юқори натижалар учун курашишни мақсад қилган ЦСКАнинг ўзбек футболчисини трансфер қилгани ҳаммага ҳам ёққани йўқ. Бу трансферни танқид қилганлар ҳам бўлди. Айрим экспертлар легионернинг ёшлиги ва қадди-қоматини пеш қилиб, Аббосбекнинг салоҳиятига шубҳа билан қараган эди.

Ана шундай негатив қарашларини билдирганлардан бири ЦСКАнинг собиқ ўйинчиси Владимир Пономарёв бўлганди.

- Бу футболчи 19 ёшида нима қилиб бера оларди? Уни қандай қилиб етук футболчи дейиш мумкин? Ундан ҳали ажойиб ўйинчи чиқадими? Ахир ўзимизда ҳам яхши йигитлар борку. Улар таркибга кириши, ўзига бўлган ишончни уйғотиши керак.

Ўзбекнинг позициясида тўпга эгалик қила олиш, майдонни яхши кўриш қобилияти, яхши пас бериш, тезкорлик , чидамлилик каби хислатларни эгаллаган футболчи ўйнаши керак. 19 ёшли ўйинчи бунақа юкламаларни кўтариши ўта қийин, - деган эди Владимир Пономарёв Файзуллаевнинг ЦСКАга трансферига муносабат билдириб.

Легионеримизга унинг имконияти ва салоҳиятини паст санаган мутахассисларнинг фикрини ўзгартириши учун 45 дақиқа кифоя қилди. ЦСКАнинг “Крилья Советов” билан бўлган учрашувида иккинчи бўлимда майдонга тушган Аббосбек юқори савияда ўйнади ва жамоасини мағлубиятдан қутилиб қолишига катта ҳисса қўшди.

Ана шу учрашувдан кейин танқидчилар ҳам футболчимизга бошқача назар билан қарай бошлади. Хусусан, бу трансферни танқид қилган Владимир Пономарёв Файзуллаевнинг иқтидорини тан олди.

— Файзуллаевга балли. Ўйинда рақибларига ғулғула соляпти, тўп билан яхши югуряти, ҳар доим очилишга ҳаракат қиляпти.

Кўп меҳнат қилаётгани боис мухлисларнинг ҳам қалбидан жой олди. Лекин у меҳнат қилишни тўхтатса, вазият буткул ўзгариб кетиши мумкин.

Аббосбекнинг дриблинги зўр бўлиши крак. Бу борада унинг қобилияти жуда яхши.  Тезкорлиги ҳам талаб даражасида, бироқ яна ўсиши керак.

Бир вақтлар “Спартак”да Хусаинов ўйнаган. Унинг ҳам бўйи баланд бўлмаган, лекин бу унинг бош билан гол уришига ҳам халақит қилмаган эди. Ҳар қандай ҳолатда ҳам, Файзуллаев ўз устида ишлашни тўхтатмаслиги керак ва шунда барча мақсадларига эришиши мумкин.

—  Файзуллаев мушакларини чиқариши шартми?

— Унда тезлигини йўқотиб қўяди. Бунга мисол сифатида бир воқеани эсга олиш мумкин. 1975 йили хоккей бўйича машҳур мураббий Тарасов ЦСКА футболчиларини бошқариб, асосий эътиборни штанга билан бажариладиган машқларга қаратган. Машғулотларда футболчилар елкасида юк билан югурарди. Ўша мавсумда ЦСКА футболчилари олий лигадан тушиб кетишига бир баҳя қолганди.

Эслатиб ўтамиз, Аббосбек Файзуллаев ЦСКА клуби билан 3+1 кўринишида шахсий шартнома имзолаган.

Ҳусановдан буни кутмаган эдим...

Файзуллаев қаерда ўйнаши кераклигини айтишди

Легионер мана шундай бўлади: Зўрлигини исботлаш учун Файзуллаевга 45 дақиқа кифоя қилди!

Ўзбекистон ва Россия тўқнашувида олтита гол бўлди

Шомуродовни уйғотиб қўйинглар...

Фанатлар Шомуродовдан нимани талаб қиляпти?

Шомуродовдан қандай қилиб максимум фойда чиқариш мумкин?