Абдуқодир Ҳусанов ЕЧЛда тезлик бўйича фақат Мбаппедан ортда қолди

УЕФА Чемпионлар лигасининг жорий мавсумидаги энг тезкор футболчилар рўйхати эълон қилинди. Эътиборлиси, мазкур рейтингдан "Манчестер Сити" футболчиси Абдуқодир Ҳусанов ҳам ўрин олди.

Ўзбекистонлик ҳимоячи ушбу кўрсаткич бўйича иккинчи ўринни эгаллади. Унинг қайд этилган энг юқори тезлиги 34,7 км/соатни ташкил этди. Бу борада фақат "Реал Мадрид" ҳужумчиси Килиан Мбаппе устун келди — франциялик футболчининг максимал тезлиги 34,9 км/соатга тенг.

Маълумот учун, Ҳусанов Чемпионлар лигаси умумий гуруҳ босқичининг сўнгги 8-турида "шаҳарликлар" сафида "Галатасарой"га қарши ўйинда асосий таркибда майдонга тушиб,  тўлиқ 90 дақиқа ўйнади.