Абдухолиқовнинг голлари туфайли жамоасининг нохуш серияси якунига етди
Ads

Бугун Қатар Юлдузлар лигасида 21-тур ўйинлари бўлиб ўтди. Ҳамюртимиз Темурхўжа Абдухолиқов фаолият олиб борадиган “Ал Сайлия” клуби сафарда “Ал Аҳли” меҳмони бўлди.

Мазкур беллашувда меҳмонлар 3:0 ҳисобидаги ғалабани қўлга киритишди. Эътиборлиси, ушбу голларнинг иккиси ҳамюртимиз номига ёзилди.

У дастлаб 11-дақиқада пенальтини аниқ амалга ошириб, ҳисобни очган бўлса, 30-дақиқада бирга-бир вазиятда ўзини кўрсатди.

Натижада, “Ал Сайлия”нинг 6 ўйинлик ғалабасиз серияси ўз поёнига етди.

Қатар Юлдузлар лигаси. 21-тур

“Ал Аҳли” – “Ал Сайлия” 0:3 (0:3, 0:0)

Голлар: Абдуҳолиқов (11 пенальтидан, 30), Рибейро (24).