Агамуродов иккинчи ғалабага тайёрланмоқда
“Қизилқум” футболчилар Coca-Cola Суперлига ўйинларига тайёргарлик машғулотларини давом эттирмоқда.
Тачмурод Агамуродов бошчилигидаги жамоа бугун иккинчи назорат учрашувини ўтказади. Бу галги рақиб Про Лига вакили – Ғузорнинг “Шўртан” жамоаси бўлади.
Навоий шаҳрида йиғин ўтказаётган “Қизилқум” футболчилари кунига икки маҳалдан машғулот олиб бормоқда. Агамуродов шогирдлари куни кеча Муборакнинг “Машъал” жамоасига қарши ўтказилган назорат учрашувида 2:0 ҳисобида зафар қучди.
Бугун “Шўртан”га қарши бўладиган ўйин 19:30 да Навоий шаҳридаги “Ёшлар” спорт мажмуаси стадионида ташкил этилади. Карантин туфайли ўйинга мухлислар қўйилмайди.
Фикрлар