AGMK 4 nafar o‘yinchi bilan xayrlashdi

  • 1 yanvar, 2022, 01:38
  • 0
  • Futbol

AGMK klubi tarkibida ham e’tiborga molik o‘zgarishlar yuz beradiganga o‘xshayapti. Chunki jamoa safini tark etayotgan futbolchilar bor.

Dastlab serbiyalik legioner Yovan Jokich “Navbahor” bilan shartnoma imzolagani haqida xabar qilgandik. Keyin esa himoyachi Abbos Otaxonov “Metallurg”ga qaytdi.

Sports.uz ma’lumotiga qaraganda, 2021 yil boshida AGMKga qo‘shilgan niderlandiyalik yarim himoyachi Elvin Fortes ham uyiga qaytdi. Gap shundaki, u oilaviy muammoasi tufayli AGMK bilan xayrlashishga majbur bo‘lgan.

Bundan tashqari, darvozabon Suhrob Sultonov, yarim himoyachilar – Husniddin G‘ofurov hamda Dilshod Jo‘raev ham shartnomasi tugagani bois AGMKni tark etishdi.

Hozirda olmaliqliklar yangi o‘yinchilar bilan muzokaralar olib boryapti.  

Fikrlar

Sort comment:
Fikr qoldirish uchun avtorizatsiyadan o'ting!