АГМК футболчилари бир кунлик таътилда тиббий кўрикдан ўтишди

АГМК 3 январдан эътиборан янги мавсумга тайёргарлик доирасидаги иккинчи йиғинни ўтказмоқда.

Кунига икки маҳалдан 1 ҳафта шуғулланган жамоа футболчиларига бугун 1 кунлик ҳордиқ чиқариш учун дам берилди. Ва барча футболчилар бугун янги мавсум олдидан ўтказиладиган тиббий кўрикдан ўтишди.

Эртадан бошлаб жамоа яна Дўрмондаги қароргоҳда йиғилади ва машғулотларни давом эттиради.

Тез орада йиғин доирасида дастур ва назорат ўйинлари ҳамда янги келадиган футболчилар ҳақида маълумотлар берамиз. Айни пайтда селекция ишлари жадаллик билан давом этмоқда.

Манба: АГМК телеграм расмий канали