АГМК яна бир легионер трансферини эълон қилди

АГМК жамоаси қишки трансфер ойнасидаги навбатдаги келишувни амалга оширди.

Бу гал олмалиқликлар эронлик футболчи, ўтган мавсумларда Украина чемпионатида фаолият юритган ҳамда 2 ҳафта мобайнида "кончилар" кўригида бўлган ярим ҳимоячи Сияваш Хагнозари билан 2 йиллик шартнома имзолади. Футболчи эркин агент мақомида АГМК футболчисига айланди.

26 ёшли футболчи 2017 йилдан эътиборан Украинанинг “Волин” жамоаси таркибида ҳаракат қилиб, жами 91 ўйинда майдонга тушган ва 16та гол муаллифига айланган ҳамда 10та голга ассистентлик қилган.

Сияваш Хагнозари 1995 йил, 3 август куни таваллуд топган. Хагнозари Эрон ўсмирлар ва ёшлар терма жамоалари сафида тўп тепган.