АГМК Яя Туре тўп тепадиган жамоага қарши ўйнайди

Мазкур жамоа 2013 йилда асос солинган Хитойнинг ёш, мақсадли жамоаларидан бири саналади. "Циндао Ҳуанхай" ўтган йил Хитой Биринчи лигасида ғолиб чиқиб, жорий мавсумдан эътиборан Хитой Суперлигасида иштирок этиш ҳуқуқини қўлга киритди. Жамоа сафида испаниялик таниқли футболчи Жоан Верду, Кот-дИвуар терма жамоаси ҳамда "Барселона" ва "Манчестер Сити"нинг собиқ аъзоси - Яя Туре ҳаракат қилади. Жамоани испаниялик Хуан Мануэль Лилло бошқармоқда.

Эслатиб ўтамиз, АГМК бунга қадар Тошкентдаги тайёргарлик босқичининг иккинчи қисмида "Оқ-тепа" (3:0) ҳамда "Сурхон"га (3:1) ва Дубайда Туркманистон миллий терма жамоасига қарши назорат ўйинларини ўтказиб, ҳар учала баҳсда ғалаба қозонганди. Ўйин 5 февраль куни Тошкент вақти билан соат 17:00да бошланади.