"Ал-Файсали" устози: Футболчиларимиз чарчаган, "Насаф"га қарши ўйинда бизда битта йўл бор!

Осиё Чемпионлар лигаси гуруҳ босқич 3-туридан ўрин олган “Насаф” – “Ал-Файсали” учрашувидан олдинги матбуот анжуманида саудияликлар устози Маринос иштирок этди ва ўз фикрларини билдириб ўтди.

-Ҳайрли кеч, сўнгги ўйин ўтказганимизга бир ҳафта бўлганига қарамасдан футболчиларимизда бироз чарчоқ бор. Аммо чарчоқларга қарамасдан, ўтган ўйинлардан тўғри хулоса чиқарган ҳолда, ақл билан ҳаракат қилишимиз лозим. Чунки тана билан ҳаракат қила олмаймиз, танамиз толиққан. Бундай вазиятда фақат ақл билан майдонга тушамиз.

Эртанги ўйинга келадиган бўлсак, жуда ҳам ажойиб жамоага қарши ўйнаймиз. Рақибизнинг мураббийи ҳам жуда кучли. "Насаф" яхши шаклланган, тартибли ўйин кўрсатадиган жамоа. 

"Ал-Садд" устидан қозонилган ғалаба бизни жуда ҳам қувонтирди. Бу Осиё Чемпионлар лигасидаги энг ёрқин ғалабаларимиздан бирига айланди. Энди эса бор эътиборимизни, диққатимизни эртанги ўйинга қаратишимиз керак. Ҳаттоки аввалги ўйиндагидан ҳам кўпроқ.