"Ал-Ҳилол" АПЛни "ёндираётган" юлдузни ўз таркибига қўшиб олмоқчи

Ҳозирда "Ливерпуль" шарафини ҳимоя қилаётган Муҳаммад Салоҳ ёзда бошқа чемпионатга кўчиб ўтиши мумкин. Бу ҳақда "AS" нашри маълум қилди. 

Хабарга кўра, ёзда эркин агентга айланиши кутилаётган ҳужумчини "Ал-Ҳилол" ўз сафига қўшиб олмоқчи. Саудияликлар клуб билан шартномаси тугайдиган Неймарнинг ўрнини айнан Салоҳ билан тўлдиришни мақсад қилган.

Аввалроқ, Саудиянинг амалдаги чемпион клуби Клублар ўртасидаги жаҳон чемпионати олдидан "Ан-Наср" ҳужумчиси Криштиану Роналдуни таркибга олиб келиш ниятида эканлиги ҳақида айтилган эди.

Маълумот учун, мисрлик футболчининг "мерсисайд"ликлар билан амалдаги шартномаси 2025 йилнинг 30 июнида ўз ниҳоясига етади. Тransfermarkt портали 33 ёшли футболчини 55 млн еврога баҳоламоқда.