"Ал-Веҳдат" мураббийи: "Ушбу ўйин биз учун ижобий якунланади"

Хабарингиз бор, эртага Қаршининг "Насаф" жамоаси ОЧЛ 6-тури доирасида "Ал-Веҳдат"га қарши ўйин ўтказади. Мазкур баҳс олдидан иккала жамоа мураббийлари матбуот анжуманида иштирок этди. 

Марҳамат, "Ал-Веҳдат" устози Райед Ассафнинг фикрлари билан танишинг. 

- Бу биз учун муҳим ўйин. Ҳар бир баҳсда ғалаба учун майдонга тушамиз. "Насаф" Европа услубида ҳаракатланади. Умид қиламизки, биз мухлисларни хурсанд қиламиз. Ушбу гуруҳдан муваффақиятли чиқишни истаймиз. 

- Мазкур ўйин биз учун ижобий якунланади, деб ишонамиз. Бизда плей-оффга чиқиш учун кичик имкон бор. Иншаалоҳ, биз бу масъулиятли вазифани уддалаймиз. 

- Бизнинг жисмоний ва руҳий ҳолатимиз аввалгидан анча яхши. "Ал-Файсали"га қарши ўйинда охирги даққаларда киритилган гол ҳам бизнинг жисмонан кучли эканимизни англатади.