Алаба "Бавария"дан кетишга тайёр

"Бавария" ҳимоячиси Давид Алаба жамоадан кетишга тайёр. Бу ҳақда журналист Кристиан Фальк ўз твиттер саҳифасида хабар тарқатмоқда.

Юқоридаги манбага кўра, Германия чемпиони австриялик футболчининг молиявий талабини қониқтира олмаяпти. Томонлар ўртасидаги келишув эса яна бир йилдан сўнг ўз ниҳоясига етади. Шу боис мюнхенликлар жорий трансферлар ойнаси ёпилгунича Алабани сотиб, унинг трансферидан маълум миқдорда маблағ ишлаб олишни кўзлаётган бўлиши мумкин.

28 ёшли Алаба “Бавария” сафида 2009 йилдан буён тўп суриб келади. У ўтган давр мобайнида 386 та ўйинда майдонга тушди ва 31 та гол ҳамда 48 та голли узатмага муаллифлик қилди.