Алаба

«Бавария» клуби раҳбарияти ҳамон ҳимоячи Давид Алаба билан шартномани узайтириш борасида музокаралар олиб бормоқда.

Sport1 тарқатган хабарга кўра, австриялик футболчининг агенти Пини Захави ҳамда отаси музокаралар ўтказмоқда. Улар Алабани Виржил ван Дейк (85 миллион евро), Харри Магуайр (87 млн евро) ва Эмерик Лапорт (65 млн евро) каби дунёнинг энг зўр ҳимоячилари қаторида эканини айтиб, унинг маоши ҳам шунга яраша бўлиши кераклигини талаб қилишмоқда. Алаба “Бавария”дан йилига камида 20 млн евро маош талаб қилмоқда.

Маълумот учун, Алаба жорий мавсум Бундеслигада 28 та ўйинда майдонга тушди ва 1 та гол ҳамда 1 та голли узатмага муаллифлик қилди. Унинг “Бавария” билан амалдаги шартномаси 2021 йилга қадар имзоланган.

Матнда хатолик топсангиз, ўша хатони белгилаб, бизга жўнатинг (Ctrl + Enter)