Алаба "Реал"нинг энг кўп маош оладиган футболчисига айланмоқчи

"Бавария" ҳимоячиси Давид Алаба "Реал" раҳбариятига янги талаб қўйди.

Goal.com тарқатган хабарга кўра, 28 ёшли австриялик футболчи “қироллик клуби”нинг энг кўп маош оладиган футболчиси бўлмоқчи. Яъни у йилига 13 миллион евро маош сўрамоқда.

Маълумот учун, “Реал”нинг айни дамдаги энг кўп маош оладиган футболчиси Серхио Рамос ҳисобланади. 34 ёшли ҳимоячининг йиллик маоши 12 миллион еврони ташкил этади.

Алаба мавсум якунлангач эркин агентга айланади ва шу сабабли у ёзда “Реал”га текинга кўчиб ўтиши мумкин.