Алекс Фергюсон Роналдуни мақтади

"Манчестер Юнайтед" клубининг афсонавий мураббийи сэр Алекс Фергюсон 10-марта Португалиянинг энг яхши футболчиси деб топилган собиқ шогирди Криштиану Роналдуни табриклади.

«Мен Криштиануни бундай муваффақият билан табриклайман. Бундай дамда унинг ёнида эмаслигимдан афсусдаман. Тарихга назар ташласак, мен уни 17 ёшли болакай сифатида «Манчестер Юнайтед»га келганини яхши эслайман. Унинг инсон ва спортчи сифатида ўсганини гувоҳи бўлдим.

Мен Роналдунинг оиласига раҳмат айтаман, уларнинг барчасига қойил. Унинг қандай ишлаётгани ва ўсаётганини кўриш мен учун бахт», - дейди шотландиялик мутахассис.

Эслатиб ўтамиз, Роналду 2003-2009 йилларда МЮда айнан сэр Алекс Фергюсон қўл остида тўп сурган.