Александр Крестинин: "Ўйиндан-ўйинга ўсиб борамиз"

“Бунёдкор” – “Андижон” (2:1) ўртасидаги учрашувдан кейинги матбуот анжуманиннг иккинчи қисмида мезбонлар бош мураббийи Александр Крестинин қатнашди.

- Аввало, ўйин борасидаги таассуротларингиз билан ўртоқлашсангиз.

- Жамоа ва унинг мухлисларини ғалаба билан табриклайман. Руҳан ва ортиқча юқлама бор эди. Йигитларга баракалла, иродали ғалабага қозондик.

- Янги қўшилган легионер Таиранинг жароҳати жиддий эмасми?

- Ҳа, унда жароҳат бор. Тикланиш жараёнида муҳлати қанчалигини аниқ айта олмайман. Асосийси, тикланиб бормоқда.

- Фарруҳ Икромовни захирадан майдонга туширдингиз ва яна захирага олдингиз. Бунга қандай изоҳ берасиз?

- Икромов бугун кутилган даражада фаол бўла олмади. Машғулотда яхши эди, у тўла куч билан ўйинга кўшилди. Лекин ўз ўйинини кўрсата олмади.

- “Бунёдкор” ниҳоят бу йил ўз майдонидаги дастлабки ғалабасига эришди. Жамоангизнинг қайси бўлимида намойиш этган ўйинидан кўпроқ қониқиш ҳосил қилдингиз?

- Мен бу ўз майдонимиздаги биринчи ютуғимиз эканлигини билмаган эдим. Ҳаммани табриклайман. Ўйинни ўз қўлимизга оляпмиз. Албатта, тўп билан кўпроқ ҳаракатландик, назорат қилдик. Кутилмаганда тезкор гол ўтказиб юбордик. Кўпроқ тўп билан муомала қилиб, ташаббус кўрсатдик. Иккала бўлим ҳам бизнинг ташаббусимиз остида ўтди. Рақиб яхши жамоа экан. Тартибли ўйнади. Ҳужумлар ташкил этди. Ўтган ўйинга нисбатан бу сафар ҳаммаси ўхшади, яна бироз вақт керак. Ўйиндан-ўйинга ўсиб борамиз.

- Фарҳод Ўткиров анча экрин тўп суряпти. У услубингизга мослашяптими ёки...

- Фарруҳда катта потенциал бор. Машғулотларда яхши ишлаб тер тўкмоқда. Ҳеч кимга эътирозим йўқ. Ҳамма йигитлар қўшиб боришмоқда ва бу жараёнда ўсиб боришади. Буни ҳисобга олиб, иш олиб бормоқдамиз.

“Андижон” матбуот хизмати.