Александр Крестинин: "Тўғриси, тушуниб бўлмас ўйин кўрсатдик"

Суперлига 14-туридан ўрин олган "Металлург" – "Локомотив" (1:1) учрашувидан сўнг меҳмонлар бош мураббийи Александр Крестинин матбуот анжуманида иштирок этди.

"Биз натижадан ва ҳужум чизиғидаги ўйиндан норозимиз. Тўғриси, тушуниб бўлмас ўйин кўрсатдик, олдинги чизиқда. Буни албатта, кўриб чиқамиз. 

- Ёзги трансфер ойнасидаги харидлардан қай даражада кўнглингиз тўлди? Жамоанинг ўйинини қай даражада ўзгартирмоқчи бўляпсиз?

- Афсуски, биз ҳали-ҳамон қуйи ўриндан кўтарила олганимиз йўқ. Бугун 3 очко ишлай олмаганимиз учун. Трансфер компанияси қоғозда ёмон эмас эди, аммо майдонда кўп нарса ўхшамади. Жамоа ҳужум чизиғида биз машғулот ўтказгандек ҳаракат қилгани йўқ. Масала, ижрочиларнинг даражасида эмас. Бугун пенальтидан гол ўтказиб, пенальтидан ҳисобни тенглаштирдик. Дарвоза сари бор йўғи 5 та зарба бера олдик холос.

ЎзПФЛ матбуот хизмати.