Алишер Садуллаев шахматчиларимизга бўлаётган босим ҳақида фикр билдирди

Шахмат жамоамиз 44-Бутунжаҳон Олимпиадасида ғолиблик учун баҳс олиб бормоқда.

Ўзбекистон шахмат федерацияси президенти Алишер Садуллаев "Телеграм"даги саҳифаси орқали спортчиларимизга босимни оширмаслик ҳақида фикр билдирди:

"Жуда муҳим масала — кўпчилик йигитларимизни ортиқча босим остида қолдирмаслик ҳақида фикр билдиришмоқда. Бу жуда ўринли мулоҳаза. Биз кунига 5 ёки 10 дақиқа улар билан мулоқот қиламиз, асосий вақтни улар мураббийлари билан ўтказишади.

Ўз ўрнида ишонаманки медиа фаоллари ҳам терма жамоамиз аъзоларининг яқинлари ҳам жамоамизга ортиқча босим ўтказмайдилар. Улар аллақачон қандай жамоа эканликларини исботлашди. Жамоамизга омад!"

Маълумот учун, эркаклар жамоамиз 16 очко билан пешқадамлик қилмоқда.