Аллегрининг "Ювентус"дан кетиши тобора ойдинлашиб бормоқда

"Ювентус" бош мураббийи Массимилиано Аллегри мавсум якунида жамоани тарк этиши кутилмоқда. Унинг клуб билан тузган шартномаси ёзда ўз ниҳоясига етади. 

"Football Italia" нашрининг маълум қилишича, раҳбарият ва мураббий ўртасида янги шартнома борасида музокаралар олиб борилмаяпти. Унинг ўрнига италиялик бошқа машҳур мутахассис Антонио Контенинг жамоага олиб келиниши кутилмоқда. 

Аллегрининг Саудия Арабистонига кетиш эҳтимоли ҳам йўқ эмас. Шунингдек, у Европанинг бошқа топ жамоасида ҳам фаолият олиб боришга қарши эмас. 

Эслатиб ўтамиз, айни вақтда "Ювентус" А Серия 13-туридан сўнг 30 очко билан 2-поғонани банд этиб турибди. Туринликлар бу мавсум ҳеч қандай еврокубокларда қатнашмаяпти.