Алонсо: "Исмнинг фарқи йўқ. Югурмаган футболчи майдонга тушмайди!"

"Реал Мадрид" янги бош мураббий Хаби Алонсо қўл остидаги илк учрашувини 18 июнь куни Клублар ўртасидаги Жаҳон чемпионати доирасида "Ал-Ҳилал"га қарши ўтказади. 

"Cadena SER" журналисти Хавьер Эрраес клубдаги манбаларга таяниб, Хаби Алонсо футболчиларга йўллаган қўпол ва ошкора хабарини етказди:

"Ким югурмаса ва майдонда бор кучини бермаса — ўйнамайди. Исмнинг аҳамияти йўқ".

Шунингдек, мураббий қўшимча қилди:

"Сиз шунчаки тўп беришларини кутиб туриб, гол уриш учун тайёр турмаслигингиз керак. Ҳар бир тўп учун югуриб ҳаракат қилишингиз лозим" - дея қўшимча қилган "қаймоқранглилар"нинг янги мутахассиси.

Эслатиб ўтамиз, испаниялик мутахассис янги мавсум бошланишидан аввал Карло Анчелоттининг ўрнини эгаллаб, "қироллик клуби"га мураббий қилади.