Алонсо Винисиус ва Мбаппени бирга ўйнатиш бўйича бир қарорга келди!

Мадриднинг "Реал" клуби яқинда бош мураббийликка тайинланиши кутилган Хаби Алонсо Килиан Мбаппе ва Винисиус Жуниорни қандай фойдаланишини олдиндан белгилаб олган.

"Cadena SER"нинг ёзишича, испаниялик мутахассис асосан икки ҳужумчи билан ўйнашни мақсад қилган ва 5-3-2 ҳамда 4-4-2 схемаcини энг маъқул деб ҳисобламоқда. Унга кўра, асосий ҳужум дуэтини айнан Мбаппе ва Винисиус ташкил этади.

Шу билан бирга, Родриго клубни тарк этиши мумкин. Бу ҳақдаги миш-мишлар тобора кучаймоқда.

Эслатиб ўтамиз, Хаби Алонсо "Байер" билан яқин орада расман хайрлашади ва июнь ойидан "Реал" бош мураббийи сифатида иш бошлаши кутилмоқда. У ўз вазифасини Бразилия терма жамоасига бош мураббийликка ўтаётган Карло Анчелоттидан қабул қилиб олади.