Амир Ғаленойи: Ҳали Жаҳон Чемпионатини йўлланмасини нақд қилмадик!

Хабарингиз бор, эртага Ўзбекистон миллий терма жамоаси ЖЧ-2026 саралаши доирасида Эрон терма жамоаси билан ўйнайди.

Бугун мазкур учрашув олдидан матбуот анжумани бўлиб ўтди. Мезбонлар сафида бош мураббий Амир Ғаленой ва футболчи Алиризо Жаҳонбахш қатнашди. 

"Аввало, Ўзбекистон терма жамоасига Теҳронга хуш келибсиз демоқчиман. Шу уларнинг тиббий штабига раҳмат айтмоқчиман. Чунки улар Тошкентдаги сафаримизда бизга жуда катта ёрдам беришди.  Ўзбекистон терма жамоаси ўтган 10 йил давомида, айниқса, ёшлар жамоаларида анча яхшиланди ва жуда яхши натижаларга эришди. Турли лигаларда ўйнаётган футболчилар етишиб чиқди. Бизни эртага жуда қийин ўйин кутиб турибди. Эрон чемпионатида ҳам анча кучли ўзбек футболчилар тўп сурмоқда. 

БААга қарши ўйин ҳақида гарирадиган бўлсак, биз баҳсни назорат қилдик. Рақиб бош мураббий Бентунинг сай-ҳаракатлари эвазига бизга етарлича қаршилик қилди. 

Биринчи ўйинда (БААга қарши) бизга етарлича тайёргарлик кўрмаганимиз йўқ. Бизда бунга вақт бўлмади. Ўзбекистонга қарши беллашув олдидан эса анча бирга ишладик, етарлича тайёргарлик кўрдик. 

Биз биламизки, Ўзбекистон 3-4-3 тактикасида ўйнайди ва улар тезкор. Улар эртага қарши ҳужумларда ҳужумда ҳаракат қилишини биламиз ва икки-уч кундан бери шу масала устида ишлаяпмиз.  Ушбу ФИФА кунларини яхши ўйин ва натижа билан якунлаймиз, деган умиддамиз.

Жаҳон чемпионати йўлланмасини ҳали нақд қилмадик. Бизни Ўзбекистондан ташқари, яна икки рақиб кутиб турибди. Ҳар бир ўйин ўзига яраша қийин ўтиши аниқ. Ҳар бир ўйинда ғалаба учун майдонга чиқамиз, шу жумладан эртага ҳам. 

Миллий терма жамоанинг ҳар учрашуви, ҳоҳ ўртоқлик ўйини бўладими, расмий ўйин бўладими, тарихда қолади. Ёш футболчиларни босқичма-босқич термага жалб этиб келяпмиз. Шунчаки таркибдан чиқариб ташлай олмаймиз. Чунки ёшлар уларнинг ўрнида худда улардек ҳаракат қилолмайди. 

Меҳди Тареми жамоанинг етакчиларидан бири ва буни ҳеч ким инкор қилмайди. Футболчининг соғлиғи доимо биринчи ўринда туриши керак деб ҳисоблаймайман. Бугун Таремининг майдонга тушиш-тушмаслиги аниқ бўлади. У БААга қарши учрашувда ҳам ўйнаши мумкин эди. Бироқ биз таваккал қилмадик. 

Эрон терма жамоаси ФИФА рейтингида 16-ўринда жойлашган. Яъни, ўз тарихида энг яхши натижани қайд этмоқда. Буларнинг ҳаммаси икки йиллик меҳнатимиз самараси. Қийинчиликларга қарамасдан, ажойиб натижа қайд этяпмиз. Осиё кубогида Японияни мағлуб этдик ва бу ҳам катта натижа. Ўзимизга ишонамиз ва бундан каттароқ мақсадлар учун ҳаракат қиламиз.

Умид қиламанки, Жаҳон чемпионати олдидан Эрон футбол федерацияси биз учун барча шароитларни яратиб беришади", - деди "йўлбарслар" устози. 

Эслатиб ўтамиз, Эрон - Ўзбекистон беллашуви эртага соат 21:00да "Озоди" стадионида старт олади.