Ана холос: Анчелотти “Реал”дан кейин қаерда ишлаши маълум бўлди

“Реал”ни Испания чемпиони ва Европа Чемпионлар лигаси ғолибига айлантирган Карло Анчелотти клуб билан шартномасини 2026 йилгача узайтирган эди.

Энди италиялик мутахассисга яна жиддий таклиф чиқмоқда.

TodoFichajes нашрининг ёзишича, Бразилия футбол федерацияси Анчелоттини таклиф қилиш фикридан қайтгани йўқ. Терма жамоа Америка кубогида муваффақиятсиз иштирок этганидан кейин бу масала яна кўтарилди.

Бразилияликлар Анчелотти терма жамоани 2026 йилги жаҳон чемпионатига тайёрлашини истаяпти. Улар янги мавсумда “Реал” ўз муваффақиятларини такрорлай олмаса, клуб раҳбарияти Карлони истеъфога чиқаришидан умидвор.

Бразилия футбол федерацияси анчадан бери терма жамоани муваффақияли бошқара оладиган мутахассис топа олмаяпти.