Ана холос! Доннарумма ҳали "Милан"га розилик бермаган
Италия терма жамоаси дарвозабони Жанлуижи Доннарумма ҳамон “Милан”га янги шартнома борасида ўз розилигини билдирмаган.
Бу футболчининг агенти Мино Райола билан боғлиқ бўлиши мумкин. Боиси, айнан Райола “Милан” Чемпионлар лигаси йўлланмасини қўлга кирита олмаган тақдирда, мижозининг товон пулини ўта юқори қилиб белгиланганидан норози бўлмоқда. Таъкидлаш керакки, “россонерилар” раҳбарияти янги шартномага кўра футболчининг товон пулини 100 млн евро этиб белгилашган. Агарда “Милан” келгуси мавсум ЕЧЛ йўлланмасини қўлга кирита олмаса, ушбу кўрсатгич 50 млн еврони ташкил этиши мумкин.
Эслатиб ўтамиз, бундан аввалроқ бир қатор ОАВлар 18 ёшли дарвозабон “Милан” таклифига розилик билдиргани ҳақида хабарлар тарқатган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар