Ana xolos: Fayzullaev Messi bilan o‘ynamoqchi!
Abbosbek Fayzullaev o‘tgan yili avgust oyida “Paxtakor”dan TsSKaga ko‘chib o‘tganidan keyin o‘z o‘yinlari bilan “armiyachilar”ning asosiy figurasiga aylandi.
Shu bilan birga 20 yoshli legionerimiz futbol jamoatchiligi, ekspertlar, jurnalistlar va muxlislar diqqat markazida turishi odatiy hol bo‘lib qoldi.
Abbsobek Fayzullaev amaldagi chempion – “Zenit” ustidan qozonilgan g‘alabadan keyin basketbol uchrashuvini tomosha qilishga bor. Basketbol maydonida TsSKA “Zenit” basketbolchilari bilan kuch sinashdi.
Ko‘pchilik e’tiborini o‘yinni tomosha qilish uchun arenaga kelgan Abbosbek Fayzullaev va mashhur xokkeychi, “Vashington Kepitalz” jamoasi safida Stenli kubogini qo‘lga kiritgan Aleksandr Ovechkin tortdi.
Jurnalistlar vaziyatni qo‘ldan boy bermay Abbosbekni suhbatga chorladi.
— Aleksandr Ovechkinni ko‘rdingizmi, uni taniysizmi?
— Ha, u afsonaviy xokkeychi, uni ko‘rdim.
— Ovechkinning azaliy orzusi bor. U Maykl Jordan bilan suratga tushishni istaydi. Sizdachi?
— Men Lionel Messining yonida o‘ynashnixohlayman, - dedi Abbosbek Fayzullaev.
Ta’kidlash joizki, Lionel Messi Evropadagi uzoq yillik faoliyatidan keyin “Inter Mayami” jamoasi taklifini qabul qilib, AQShGa ko‘chib o‘tdi.
Abbosbek intervyularida futbolchi sifatida sakkiz karra “Oltin to‘p” sohibi Messiga muxlislik qilishini ta’kidlagan. Shuningdek, hamyurtimizsha “Barselona” jamoasi ham yoqadi.
Bugungi kunda o‘zbekistonlik charm to‘p ustasini Germaniya va Italiya chempionatlari klublari kuzatayotgani haqida ma’lumotlar tarqatilmoqda. Xususan, qishda Abbosbek Fayzullaevga AQShning”Seni-Luis Siti” jamoasi og‘iz solgandi. Biroq bu variant futbolchimizni qiziqtirmasligi aytildi.
Fikrlar