Ана холос: Левандовски Ла Лига ва испан жамоаларини қаттиқ танқид қилди
“Барселона” ҳужумчиси Роберт Левандовски Испания чемпионатидаги ҳакамлик ва жамоаларнинг ўйин услубини кескин танқид қилди.
- Ла Лига етарли даражада жозибадор ва ҳужумкор эмас. Ҳакамлар ўйинни ўлдиряпти. Мен Испан жамоалари бу қадар иштиёқсиз ўйнашини билмаган эканман, - деди польшалик машҳур тўпурар Forbes нашрига фикр билдириб.
Левандовски ўтган йили ёзда “Бавария”дан “Барселона”га кўчиб ўтган эди. Ўтган мавсумда тажрибали ҳужумчи барча турнирларда 44 маротаба майдонга тушиб, ўз ҳисобига 33 та гол ва саккизта ассист расмийлаштирди.
Робертнинг Каталония клуби билан шартномаси 2026 йилнинг 30 июнигача амал қилади.
Фикрлар