Ана холос: Мессида икки вариант бор. Улар орасида “Барса” йўқ!

ПСЖ билан шартномаси якунланиб бораётган Лионель Месси келаси мавсумни қайси жамоада бошлаши ҳамон мавҳум бўлиб турибди.

Жаҳон чемпионининг ўзи “Басрелона”га қайтмоқчи. Бироқ, “Барселона” ҳали Месси қайтариш йўлини топгани йўқ. Каталонияликлар Ла Лига раҳбариятидан трансфер учун розилик олиши керак. Бунинг учун эса, улар молиявий муаммоларни бартараф этиб, улгуриши талаб этилади.

Манбаларнинг таъкидлашича, ҳозир Мессининг қўлида аниқ иккита таклиф бор. Биринчиси, ҳозирги жамоаси у билан келишувни узайтариш бўйича шартнома берган ва футболчининг жавобини кутмоқда.

Иккинчи вариант Саудия Арабистонидан. “Ал-Ҳилол” ҳар мавсум учун жаҳон чемпионига катта миқдорда маош таклиф қиляпти. Месси бор эътиборини мавсумни якунлаб олишга қаратган. Кейин бир қарорга келишини маълум қилди.