Ана холос: ММА даги очколарни бошқача усулда ҳисоблаш таклиф этилди!

ММА раундларни баҳолаш қоидаларига ўзгартиришлар киритиши мумкин. Бу ҳақда Бокс комиссиялари ассоциацияси (ABC) раҳбарияти хабар берди. Анжуманда UFC собиқ ҳаками Жон Маккарти бошчилигида ишлаб чиқилган янги қоидалар тўплами тақдим этилди.

Унга кўра, ғолибни аниқлашда айни пайтдаги асосий баҳолаш мезонлари - самарали зарбалар ва курашга қараб эмас, балки рақибга етказилган зарардан фойдаланиш таклиф қилинмоқда.

"Янги ҳужжат ҳакамлар жангчиларнинг ўйинини қандай баҳолаши кераклиги ҳақида аниқроқ тушунча беради. Устувор жиҳат етказилган зарар бўлади" - деди Бокс комиссиялари ассоциацияси (ABC) раиси Энди Фостер.