Ана холос: Муҳаммад Салоҳ “Ливерпуль”дан кетишини эълон қилди

“Ливерпуль”нинг кейинги йиллардаги энг зўр тўпурари Муҳаммад Салоҳнинг келажаги кўпчиликни қизиқтириб келаётган эди.

Мисрлик форвардни анчадан бери Саудия Арабистони клублари ўз сафига қўшиб олмоқчи бўляпти. Салоҳнинг “Ливерпуль” билан ҳамкорлиги жорий мавсум охиригача давом этиши белгиланган.

32 ёшли футболчининг ўзи келажаги бўйича аниқ қарорини айтди.

• Бу менинг “Ливерпуль”даги охирги йилим, - деди Муҳаммад Салоҳ.

Тажрибали тўпурар ливерпулликлар сафида 2017 йилдан бери тўп тепяпти. Ҳозирга қадар барча турнирларда 351 та учрашув ўтказиб, ўз ҳисобига 213 та гол ва 90 та ассист расмийлайтирган.