Ана холос! "Насаф" Андижонга бош мураббийсиз келди
Ўзбекистон чемпионатида Суперлиганинг биринчи давраси якунига етди. Лекин бу билан жамоалар ҳали ёзги танаффусга чиқиб кетишгани йўқ. Маълумки, бугун ва эртага Ўзбекистон Лига Кубогининг 2-тур учрашувлари бўлиб ўтади. Эртага Андижондаги «Соғлом авлод» стадионида «Андижон» клуби Қаршининг «Насаф» жамоасини қабул қилади.
Бугун «Насаф» вакиллари Андижонга етиб келишди. Лекин қизиғи шундаки, «Аждарлар» бош мураббийсиз келишган. Рўзиқул Бердиевнинг Андижонга нима сабабдан келмагани албатта ажабланарли ва бу борада турли гап-сўзлар авж олмоқда.
Маълумки, Суперлиганинг 13-турида «Насаф» ўз майдонида «Сурхон»ни 2:0 ҳисобида мағлубиятга учратганди. Лекин ўша беллашувнинг биринчи бўлим ўрталарида Бердиев майдонни тарк этгани, бунга эса Қашқадарё вилояти ҳокимининг жамоа ўйинидан норозилигини билдирганига жавобан мураббий шундай йўл тутгани ҳақида айтилганди ва кейинчалик Рўзиқул Саъдуллаевич яна жойига қайтарилганди. Лекин ўйиндан кейин ташкил этилган матбуот анжуманида ҳам бош мураббий иштирок этмади ва унинг ўрнига катта мураббий Шуҳрат Тошпўлатов фикрлари билан ўртоқлашганди.
Шу сабабли «Андижон» - «Насаф» ўртасидаги учрашувга меҳмонларнинг бош мураббийсиз келгани турли миш-мишларнинг авж олишига сабаб бўлмоқда. Биз эса вазиятга ойдинлик киритиш мақсадида клуб вакиллари билан боғландик. Айтишларича, Рўзиқул Бердиев Тошкентда мураббийларнинг «Про» ўқув-курсларида таҳсил олмоқда экан. Шундай қилиб, «Насаф» жамоасини эртага бўладиган учрашувга Шуҳрат Тошпўлатов тайёрламоқда.
Фикрлар
Faqat bahona qarwidagi uyin vaqti uzgarganligi sababli obera olmaymz oberadigan kanal eplaydi baxona pfl meyyani iwlatilar qarwida xarorat 45 harkungisi eng pasi uyinni yana 5/6/7 quyaszlar issiq legiga ham qaraylar wunaqa mayda detallarga etibor berilar bopasa kursini buwatilar 0% iwilar kayfisinti
Бу уйинда кушниларга омад тилаб коламан