Ана холос! Нурсултон Рўзибоев профессионал боксда ёхуд AFP 1 турнири ташкил этилади

14 март куни Тошкент шаҳрида профессионал бокс кечаси ташкил этилади. Яъни, юртимизда ташкил этилган Akhmat Fight Promotion ўзининг илк жанг кечасини "AFP 1" турнирини ўтказади. 

Ушбу промоушеннинг мутасадди вакили Ферузбек Юлдашевни Sports.uz сайтига маълум қилишича, кечанинг марказий жангида Нурсултон Рўзибоев рингга кўтарилади. У боксда ҳам ўзини синаб кўради. Тез орада унинг рақиби ва тўлиқ жуфтликларни эътиборингизга ҳавола этамиз.

Маълумот учун, Рўзибоев 11 март куни Баҳрайнда Brave промоушени турнирида бразилиялик Луис Фелипе Диасга қарши жанг қилади.