Ана холос!

“Навбаҳор” – “Пахтакор” ўртасидаги ўйин бўйича баҳс-мунозаралар яна давом этяпти. Айниқса, учрашувдан кейин юз берган жанжал видеоси тарқалгач, гап-сўзлар кўпаймоқда.

“Навбаҳор” клуби президенти Отабек Саматов ҳам ушбу жанжалда кўриниш берган, яъни, видеода унинг сўзлари келтирилган.

Хуллас, ўйин атрофидаги машмашалар тугамаяпти. Саматов эса чиқарилган видеога нисбатан ўз муносабатини билдирар экан, бунга нима сабаблигини ҳам очиқлади. 

- Ижтимоий тармоқларда чиқарилган видео бўйича гапирсам, “Пахтакор” футболчилари зинапоядан чиқаётган пайтда кўпчиликни ҳақорат қилди ва биттаси “наманганликлар ўзи одам эмас”, деган гапни айтди. “Пахтакор” ўйинчиси Аброр Исмоилов эса, мухлисларни онасидан келиб, ҳақорат қилди. Бунга гувоҳ ҳам бор. Айнан шу гапдан кейин жанжал чиқди.  Мен ички ишлар ходимига “бу одам эмас деяпти”, деган гапни айтганман. Лекин менинг гапларимни бошқача талқин қилишяпти. Бизни айбдор сифатида кўрсатишяпти. Ўша вазиятда “Пахтакор” клубининг маъмури атайин мени видеога олиб чиқарганининг сабаби бор.

саматов1111

Улар ҳали Азизбек Турғунбоевнинг пулини тўлашмаган. Биз “Пахтакор” билан қонуний келишганмиз. Ўша учрашувдан олдин “Пахтакор” клубига хат билан чиқдик. Турғунбоев икки миллиард олти юз минг сўмга сотилган бўлса, шунинг беш юзини иккига бўлиб ўтказиб берган. Яна икки миллиард бир юз минг қолган. Шартнома шунақа тузилганки, биз “Пахтакор”га 1 мартга қадар мухлат берганмиз. Агар ўша кунгача пулни тўлиқ тўламаса, ундан у ёғига ҳар бир кун учун маълум миқдорда устама пули қўшилиб бориши айтилган. “Пахтакор” эса бошқаларни аралаштириб, шахсан ўзимга алоқага чиқяпти. Яъни, “бундай йўл тутманглар, келишиб ҳал қилайлик”, деган мазмунда. Ўйиндан олдин эса, “Пахтакор”га “Турғунбоевнинг пулини тўламагансизлар, шунинг учун уни “Навбаҳор”га қарши кечадиган ўйинларда майдонга туширманглар”, деган мазмунда хат юборганмиз. Ахир улар “биздан устама пули олманглар”, деганидан кейин, мен ҳам ўз клубимни ҳимоя қиляпман, ҳар томонлама. Хуллас, улар Азизбекни майдонга туширишди. Учрашувдан кейин “Пахтакор” спорт директори Жаъфар ака Ирисметов билан гаплашдим. У “бу борада хат қилиб беринглар”, деганди. Шу боис, расмий хат билан мурожаат қилгандик. Улар эса “пенья”сини олманглар, шундоқ ҳам пулимиз йўқ,” деган гапларни айтишяпти. Натижада биз ҳам уларга шарт қўйдик: “агар Турғунбоев майдонга туширилса, у ҳолда биз ҳам ҳамма пулни талаб қиламиз”!

саматов3_1

Энди эса улар бошқача йўлга ўтишяпти. Ўша тортишувли вазиятни ким видеога олганини билдим. Яна қайтараман: мен ўшанда “булар одам эмас”, деганим йўқ. Фақат ички ишлар ходимига келиб, “булар одам эмас деяпти”, дедим. Фақат охирги сўзим наманганча шевада бошқача эшитилган. Ҳолбуки, “Пахтакор” футболчиси кийиниш хонасига кириб кетаётиб, “наманганликлар одам эмас”, деди. Буни ҳаммамиз эшитдик-да, кейин унга эътироз билдирдик. Табиийки, бундай пайтда ҳамма реакция кўрсатади. “Пахтакор”нинг бошқа футболчилари ҳеч кимга ҳеч нима демасдан кириб кетишди. Бу ерда айримлар “провокация” қилишди. Улар мени ёмон кўрсатишмоқчи. Аммо мен раҳбар сифатида ўз клубимни ҳимоя қилишим керак-ку! Қолаверса, бежизга кимнидир ранжитиш менинг тарбиямга тўғри келмайди. Турғунбоев масаласида айтганимдек, улар бизнинг илтимосимизни бажармаса, нега биз уларнинг илтимосига “хўп”, дейишимиз керак? Ҳурмат қилмаса, биз ҳам ҳурмат қилмаймиз.

саматов1

Масалан, жорий мавсумнинг 1- ва 3-турларидаги “Сўғдиёна” ҳамда “Насаф” жамоалари билан бўлган ўйинларда жиззахликлардан мағлубиятга учраган (0:1), қаршиликлар билан эса дурангга эришган бўлсак-да (0:0), шу куни стадионга йиғилган мухлислар рақиб жамоа футболчиларини олқишлар билан кузатиб қўйишди. Бир сўз билан айтганда, мухлисларни кимдир “провокация” қилмаса, улар ҳиссиётга берилмайди. Наманганлик ишқибозлар ҳам анча маданиятли, - дея сўзини якунлади Отабек Саматов.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
lochinlar navbahor
10/04/2021 21:05
Shaxsan men nasafi oyinida stadionda bolganman namanganliklar urnidan turip qarsak chalip ayniqsa oybek bozorovni kuzatip qoyishgan. Diyor esa shuncha odami madanyatsizlikda ayblayapti
Abbos Axmedov
10/04/2021 20:44
Тўппа тўғри гапни айтибди Отабек Саматов Диёр Имомхўжаев эса Навбахор мухлислари сугдийонага ва Насафга қарши ўйинда гарсалар улоқтирган деб тухмат қилди хўўўўш қаги исботинг борми Диёр ???
Akbarali Abdunazarov
12/04/2021 23:20
Бир неча йиллардан бери хамиша Пахтакорга ен босиб, кимларнингдир ердами билан чемпионатга уйнаб келаетганлиги барча мухлисларни жонига теккан, мухлислар хам халол футболни жуда яхшитушунади халк билади, мана шундай салбий холатлар Навбахор уйинига келиб такалди. Насаф билан уйинда Насаф дарвозасига пенальти белгиланган вактда Насаф уйинчиси чизикдан ташкарида эди, пахтакор уйинчиси эса жарима майдонидан ичкарига кириб кетишда йикилди нега хакам варга бориб синчиклаб курмади, чунки хакамнинг узида пеналтига хохиши бор эди. Нега шунча йил чемпион булган Бунедкор еки Локомативга мухлисларнинг эьтирози йук, чунки ушбу жамоалар кимларнингдир ердами билан натижага эришмаган. Ердам килган булса хам яккол сезилмаган. Чемпионатимизда бу каби ен босишлар давом этса бунданда аянчли холатлар булишига хеч ким кафолат бермайди. Бизга халол уйин керак!
Umarjon G'oyifov
10/04/2021 23:43
Пахтакор зўр бўлганда ЧЛ сини ютган бўларди бир марта бўлса хам. Диёрини мен жуда қаттиқ хурмат қилар эдим. Афсус у хам айнибди. Унинг виждонига вируси тушибди.
&
Ramzis ll
10/04/2021 22:41
Paxtakor futbolchilariga ham qiyinda, pul bor, sharoit zo'r, hech narsadan kamchilik yo'q, ammo lekin biroq stadioni doim ........, nima qilisan alam qiladida, shuning uchun doim Navbahor bilan o'yinlarda qandaydir hunar ko'rsatgisi keladi.
SHAXBOZ BEKMURODOV
10/04/2021 22:34
Jonga tegdi shu movzu
solijon bobokulov
10/04/2021 21:57
Пахтакор дарвозасига фақатгина ОЧЛ баҳсларида сўнгги дақиқада пенальти белгиланиши мумкин!
&
umidjon omonov
10/04/2021 21:09
Орияти йук шу пахтакорди. Нечи марта чемпион боган болса федерацияни йордами билан чемпион боган. Эркак болиб халол чемпион бол олкишлели. Кулиндан кеса халол чемпион бол бомаса эркак болиб йуткиз хезалакларча йутмасдан

Минбар

Барча блоглар