Ана холос: “Реал” ҳакамларни сотиб олишда айбланди

Испания миллий полициясининг собиқ комиссари Хосе Мануэль Вильярехо “Реал” ҳакамларни сотиб олиш амалиётини “Барселона”дан анча олдин бошлаганлигини таъкидлади.

- “Реал” томонидан ҳакамларни сотиб олиш “Негрейра иши”дан олдин бошланган. Ўша пайтда Флорентино Пересни айблаш ўзини ўзи ўлдириш билан баробар эди.

Флорентино Перес билан алоқадар суд ишларини олиб боришнинг имкони йўқ, у тегиб бўлмайдиган шахс, - деди Хосе Мануэль Вильярехо “Rac1” радиостанциясига берган интервьюсида.

Маълумки, “Негрейра иши” 2023 йилнинг мартидан бери девом этмоқда. Унда “Барселона” раҳбарияти Испания Қироллиги футбол федерацияси Ҳакамлар қўмитаси вице-президенти Хосе Мария Негрейрага 2001-2018 йиллар давомида махфий тарзда пул ўтказиб келгани айтилади.

Ушбу ноқонуний иш бўйича Негрейрадан ташқари унинг ўғли Хавьер, “Барселона”нинг собиқ президентлари Сандро Рассель ва Хосеп Бартомеуга ҳам айблов эълон қилинган.