Ана холос! Роналдуга янги суперклуб топилди

“Манчестер Юнайтед”нинг португалиялик ҳужумчиси Криштиану Роналду “Барселона” ўйинчисига айланиши мумкин, деб хабар тарқатди The Sun нашри.

Манбанинг таъкидлашича, таниқли агент Жорже Мендеш Манчестерда “Барселона” раҳбарларидан бири билан учрашув ўтказган. Журналистлар бу суҳбат Роналдунинг трансфери ҳақида бўлганини тахмин қилмоқда.

Криштиану Роналдунинг “Манчестер Юнайтед”даги фаолияти кутганидек бўлмади. Эрик тен Хаг келганидан кейин португалиялик тўпурар асосий вақтини захирада ўтказмоқда.  

Жорже Мендеш ёздан бери ўз мижозига янги иш жойи қидиряпти. Яқинда Дэвид Бекхэм Роналдуни АҚШ чемпионатида қатнашаётган “Интер Майами” клубига таклиф қилиб, йилига 34 миллион евро маош ваъда қилганди.