Ана холос! Шоҳжаҳон Эргашев фаолиятини якунлади!

Профессионал бокснинг супер енгил вазн(63.5 кг) тоифасида фаолият юритаётган ҳамюртимиз Шоҳжаҳон Эргашев боксдаги юришини тўхтатганлигини маълум қилди. Бу ҳақида у ўз Инстаграм саҳифасида ёзиб қолдирди.

- Узоқ вақт уйда бўлмадим, ва отам мени уйга келишимни сўради. Отам билан жуда ҳам кўп сухбатлашдик, оз бўлса ҳам босиб ўтган йўлларимизни ёдга олдик. Мен 29 ёшдаман ва бугун биринчи маротаба отам спортдаги фаолиятимни якунлашимни сўради. Ҳамма нарсани бош ва охири бўлгани каби спорт ҳам абадий эмас. Мени қўллаб қувватлаган барчага ўз миннатдорчилигимни билдираман!

Мен ҳаётимда янги саҳифа очяпман! Боксни буткул ташламайман ва бир кун яна рингда бўлсам фақатгина ўзим учун рингда бўламан. Ўзимни янги соҳада синаб қўраман, аммо бу спорт соҳаси эмас.
Барчага омад!

Маълумот учун, Шоҳжаҳон Эргашев профессионал боксда 21 та жанг ўтказиб, барчасида ғалаба қозонган. 19 та жангида эса нокаут қайд этганди.

Афсуски, юртдошимизда ҳали, чемпионлик учун жанг ўтказиш имконияти бўлар эди. Бироқ, у шундай қарорга келган экан, бошқа соҳада ҳам унга омад ёр бўлишини тилаб қоламиз!