Ана холос: Шомуродовга энди “сутчилар” ҳомийлик қилади!
“Кальяри” футбол клуби Сардиниядаги энг йирик сут ишлаб чиқариш компанияси ҳисобланган Assegnatari Associati Arborea корпоративи билан ҳамкорликни давом эттирадиган бўлди.
Бу компания 2023-2024 йилги мавсумда ҳам жамоага ҳомийлик қилиши келишиб олинди. Бу ҳамкорлик маркетинг стратегияси талабларига тўла жавоб бериб, ўзаро манфаатли алоқаларни янада ривожланишига хизмат қилади.
Икки томонлама янги шартнома имзоланиши сабаби билан Latte Arborea кооперативи директорлар кенгаши раҳбарияти “Кальяри” қароргоҳига келиб, клуб мутасаддилари, мураббийлар, футболчилар, “Ассемини” спорт маркази ходимлари билан учрашди, жамоанинг машғулотларини кузатиб борди.
Ҳамкорлик келишувига кўра, Arborea логотипи “Кальяри”нинг расмий учрашувларида футболчилар либосига жойлаштирилади. Бундан ташқари, бу лого табло, интервью зоналари ва кулуарларда ҳам қўйилади.
Ҳамкор компания футбол ёрдамида миллионлаб мухлислар хонадонига кириб бориб, ўз брендини бутун дунёга танитишни мақсад қилгани учун ҳам “Кальяри” билан дўстона алоқаларни давом эттиришга қарор қилган.
- “Кальяри” клуби ва Latte Arborea компанияси ўртасидаги ҳамкорлик 2019 йили бошланган ва ҳоўирга келиб, Сардиния минтақаси равнақига хизмат қилаётган катта альянсга айланиб улгурди. Биз спортчиларнинг мусобақалашиш иштиёқини, оролимизнинг ривожлантириш йўлидаги содиқ хизматларини қадрлаймиз, - деди Associati Arborea коорпоративи президенти Ремиджио Секи.
- Бу ҳамкорлик брендимизни Италия ва хорижда янада танилишига, Сардиниядаги истеъмолчиларимиз билан тўғридан тўғри алоқа ўрнатиш имконини беради, - деди Associati Arborea компанияси директори Кристина Манка.
- Бундай катта компаниянинг биз билан ҳамкорлик қилиги бизга фахр ва ифтихор манбаи бўлиб хизмат қилади. Бу фақатгина иқтисодий ҳамкорлик бўлиб қолмай, бир мақсад йўлидаги бирдамлик намунасидир. Associati Arborea компанияси бир неча йиллардан бери клубни мунтазам қўллаб-қувватлаб келяпти. Бу олдиндаги вазифаларни бажарилиши ва янги ғалабаларга илҳом олишимизда мустаҳкам таянч нуқтаси бўлади, - деди “Кальяри” клубининг оммавий ахборот воситалари билан алоқалар ва бизнес ишлари бўйича директори Стефано Мелиса.
Эслатиб ўтамиз, “Кальяри” клуби ўтган мавсумда плей-офф ўйинлари орқали А Серияда ўйнаш ҳуқуқини қўлга киритди.
Клаудио Раньери бошчилигидаги мураббийлар штаби ва футболчилар олдига жамоани юқори дивизионда олиб қолиш вазифаси қўйилган.
Клуб раҳбарияти ана шу мақсадда ўндан зиёд трансферларни амалга оширди. Элдор Шомуродов ҳам ҳужум чизиғини кучайтириш учун “Рома”дан бир мавсумга ижарага олинди. Агар легионеримизнинг ўйини ва натижалари сардинияликларга маъқул келса, “Кальяри” келаси ёзда ҳужумчини 9 миллион еврога тўлиқ трансфер қилиши мумкин.
Ҳусанов жамоасининг Европа Чемпионлар лигасидаги энг катта камчилиги очилди!
“Кальяри”: Ҳужумда ким ўйнасин? Шомуродовни танлаган мухлислар нима деди?
“Кальяри” таркибни тубдан ўзгартирди: Шомуродов...
Шомуродовнинг собиқ устози Раньерига Элдордан фойдаланиш сирини очди!
Ҳусанов ҳам бор! Европа Чемпионлар лигаси олдидан “Ланс” ҳимоячисини тилга олишди
Энди Шомуродовга янада қийин бўлади, сабаби...
Легионеримиз гол урди
Легионерларимизга аниқ шарт қўйилди
Тўрт футболчимиз дунёнинг энг қиммат лигаларида тўп тепмоқда!
Фикрлар