Ана холос! Шомуродовнинг рақобатчиси Англияга кетмоқда!

“Рома” асосий таркибига кириш учун Элдор Шомуродов билан рақобатлашаётган Борха Майораль Англия чемпионатига кўчиб ўтиши кутилмоқда.

Ҳозирча, римликлар бош мураббийи Жозе Моуриньо ўзбек легионерига кўпроқ ишонч билдирмоқда. Клуб “Реал”дан ижарага олинган Борха Майорални тезроқ ортга қайтариб юбормоқчи ва уни 20 миллион еврога сотиб олиш ҳуқуқидан фойдаланмасликка қарор қилган.

“Реал” мутасаддилари ҳам 24 ёшли ҳужумчини “Рома”дан кетишини истаяпти. Чунки унга ўйин амалиёти керак. Мадридликларда Борхани биринчи жамоага жалб қилиш мақсади йўқ. Улар ўз тарбияланувчисини январда бошқа жамоага сотиб юборишни кўзлаяпти. Шу боис, Майорални ижарага олишга уринаётган “Фиорентина”нинг келишуви тўхтаб қолган.

Майоралга ягона харидор “Кристал Пэлас” бўлмоқда. Англия клуби ҳужумчини тўлиқ трансфер қилмоқчи. Бу вариант мадридликларни ҳам қониқтирмоқда. Майоралнинг ўзи ҳам мунтазам ўйин амалиётига эга бўлиб учун премьер-лигага ўтишга қарши эмас.  

Айни пайтда “Қироллик клуби” вакиллари “Кристал Пэлас” билан музокараларни бошлаб юборган. Борханинг трансфери учун инглизлар 15 миллион евро атрофида харажат қилиши керак бўлади.

borja.mayoral.roma.2021.22.1400x840

“Рома” уч футболчи билан шартномани янгилади

Рим клуби уч футболчи Эдоардо Бове, Никола Залевски ва Эбрима Дарбо билан шартномалар узайтирилганини расман маълум қилди.

Унга кўра, италиялик  Бове ва польшалик Залевски 2025 йилнинг ярмигача “Рома” ўйинчиси ҳисобланади. Гамбиялик легионер Дарбо эса улардан бир йил кўп Римда қоладиган бўлди.

- Бу ўйинчилар билан шартноманинг узайтирилгани клуб ўз тарбияланувчиларига қандай муносабатда эканини акс эттиради. “Рома” ўз тарбияланувчиларига суянади ва уларнинг ривожланишига хизмат қилади. Бу шартномалар қолган тарбияланувчиларимизнинг иштиёқини оширади, - деди “Рома” спорт директори Тьягу Пинто.

JSL7pjU

“Рома” ҳужумчисига Испаниядан таклиф тушди

Рим клубининг испаниялик ҳужумчиси Карлес Перес тез орада юртига қайтиб кетиши мумкин.

23 ёшли футболчига “Кадис” жамоаси жиддий қизиқиш билдирмоқда ва уни қишки трансферлар вақтида ўз сафига қўшиб олиши кутиляпти .

Карлес Перес Жозе Моуриньо қўл остида ўзи истаганчалик ўйин вақтига эга бўлмаяпти. Португалиялик мутахассис олдинги чизиқда кўпроқ Тэмми Абрахам, Элдор Шомуродов, Стефан Эл-Шаарави, Николо Дзаньолога ишонч билдирмоқда.

“Рома”дан ташқари “Барселона”да ўйнаган Переснинг ўзи ҳам мунтазам майдонга тушиш учун “Кадис” таклифини қабул қилишга тайёр.

420207

Вильярга икки клуб харидор

“Рома” таркибида А Сериянинг жорий мавсумида бирорта ўйинда қатнашмаган ярим ҳимоячи Гонсало Вильяр иккита жамоа харидор бўлмоқда.

23 ёшли испан футболчига ўз юртидан қизиқиш бор. Манбаларнинг маълум қилишича, “Сельта” ва “Эльче” жамоаларини уни ўз сафига чорламоқда.

Вильяр жорий мавсумда фақатгина Конференциялар лигасида олти марта майдонга тушди холос. Жозу Моуриньо бу ўйинчига ишонч билдирмаяпти. Вильярнинг трансфер суммаси 14 миллион еврога баҳоланмоқда.

1635852831_vilar_1

Калафьори “Кальяри”га ёрдам беради

“Рома” раҳбарияти ёш футболчи Риккардо Калафьорининг тажрибасини ошириш мақсадида “Кальяри” клубига ижарага беришга қарор қилди.

Калафьори асосий таркибга киришда Матиас Винага имкониятни бой бермоқда. Яқинда сафга жамоанинг етакчи ҳимоячиларидан Леонардо Спинаццола ҳам қайтади. Ёш футболчи ўйин амалиётисиз қолиб кетмаслиги учун римликлар уни бошқа жамоага жўнатмоқда.

Калафьорига “Кальяри”дан ташқари А Серия жамоаларидан “Верона”, “Сассуоло” ва “Удинезе” ҳам қизиқиш билдирмоқда.

WDhd6wF

Шомуродовнинг нархи тушиб кетди...

Элдор Шомуродовнинг шериги Одил Аҳмедов ўйнаган жамоа билан келишувга эришди

Фикрлар

Фикр қолдириш учун авторизациядан ўтинг!