Ана холос! "Ювентус"дан навбат "Эвертон"га келди. Клубдан АПЛда 12 очко олиб ташланиши мумкин
Англиянинг "Эвертон" жамоаси АПЛда қийин муаммо остонасида бўлиб турибди. Гап шундаки, премьер-лига клубни 12 очкодан маҳрум этиши мумкин.
"MirrorFootball" нашрининг хабар беришича, бунга сабаб ливерпулликларнинг молиявий фейр-плэй қоидаларини қўпол тарзда бузганидир. Ҳозирча бу ҳақда расмий хабар чиқмади.
Бундан олдин худди шу каби ҳолат Италияда Туриннинг "Ювентус"и билан содир бўлганди. Ўшанда "зебралар"дан ҳам 10 очко олиб ташланганди.
Маълумот ўрнида, "Эвертон" айни пайт АПЛ турнир жадвалида 7 очко тўплашга муваффақ бўлган. Клуб 9-турдан сўнг 16-поғонани банд этиб турибди.
Фикрлар