Анчелотти: 500 миллион тўлашса, Саудияга пиёда бўлса ҳам бораман

“Реал” бош мураббийи Карло Анчелотти фаолиятини Саудия Арабистонида давом эттириш ҳақидаги саволга жавоб берди.

- 500 миллион евро эвазига Саудия Арабистонига бораманми? Агар шундай бўлса, самолётга чипта буюртма қилишга ҳам ҳожат қолмайди. У ерга пиёда бўлса ҳам йўлга чиқардим.

Албатта, ҳазиллашяпман. Менга пул керак эмас, - деди Карло Анчелотти.

64 ёшли италиялик мутахассис “Реал”ни 2021 йилдан бери бошқариб келмоқда. Мадридликлар Анчелотти қўл остида Испания чемпионати, Европа Чемпионлар лигаси, клублар ўртасидаги жаҳон чемпионати каби катта мусобақаларда ғолиб чиқди.