Anchelotti: "AQShda futbol ko‘plab sport turlari bilan raqobatlashadi"

Madridning “Real” klubi bosh murabbiyi Karlo Anchelotti Lionel Messining “Inter Mayami”ga o‘tishi haqida gapirdi.

“AQShda futbol ko‘plab sport turlari bilan raqobatlashadi. Messining o‘tishi tomoshabinlarni ko‘paytirishga yordam beradi. Amerika stadionlarida hayratlanarli muhit bo‘ladi", - deya italiyalik mutaxassisning so‘zlarini keltiradi "ESPN" nashri.

Eslatib o‘tamiz, argentinalik futbolchi erkin agent sifatida PSJdan MLS jamoasiga o‘tgan edi. Ertaga, 16 iyulda Florida klubi yangi yulduzning taqdimotini o‘tkazadi.