Анчелотти энг кучли беш футболчи номини айтди

“Реал” бош мураббийи Карло Анчелотти ўзининг қўл остида шуғулланган энг кучли беш нафар футболчи номини айтди.

Италиялик мутахассис Give me Sport нашрига берган интервьюсида кўпчиликни қизиқтирган саволга ҳам жавоб беришни маълум топди.

- Мен шуғуллантирган энг зўр футболчилар Роналдо Назарио, Криштиану Роналду, Златан Иброҳимович, Карим Бензем ва Винисиус Жуниор, - деди Карло Анчелотти.

Анчелотти узоқ йиллик фаолияти давомида “Реал”га икки бор устозлик қилган. Дастлаб, италиялик мутахассис 2013-2015 йиллар давомида жамоани муваффақиятли бошқарган.

Мадридга иккинчи маротаба 2021 йили таклиф этилган Анчелотти ҳамон “Реал”да бош мураббийлик қиляпти. Юқорида номи келтирилган футболчилардан фақатгина Винисиус Жуниор айни пайтда "Реал"да ўз устози билан бирга ишламоқда.