Анчелотти Жоао Педрони нима сабабдан жаҳон чемпионатининг қайдномасига киритмаганига изоҳ берди

"Челси" ҳужумчиси Жоао Педро Бразилия терма жамоасининг жаҳон чемпионати учун якуний рўйхатидан жой олмади.

Карло Анчелотти нима сабабдан бундай қилганига изоҳ берди:

“Якуний таркибга кира олмаган футболчиларга жуда ачинаман. Мен бундан жуда афсусдаман. Бу мени хафа қилади. Андрей Сантос, Жоао Педро ва бошкалар. Уларда келажакда имкониятлар бўлади.

Гапимга ишонинг, Жоао Педрога ачинаман. Бундай мавсумдан сўнг у, эҳтимол, жаҳон чемпионатига боришга лойиқ бўлган футболчилардан бири эди. Бироқ, ҳурмат билан ва юқори рақобатни ҳисобга олган ҳолда, биз бу ўринга бошқа ўйинчиларни танладик. Лекин мен Жоао Педрога ишонаман," - деди Анчелотти журналистларга берган интервьюсида.

Азизжон Абдувалиев