Анчелотти Мбаппега қаттиқ талаб қўйди

“Реал” бош мураббийи Карло Анчелотти жамоага янги қўшилган Килиан Мбаппе ҳақида ўз фикр-мулоҳазаларини билдирди.

- Биринчи навбатда, Мбаппе бизга ўзининг ўйин сифати, совуққонлиги, ишга муносабати ва садоқатини олиб келди.

Ҳар қандай ўйинчи каби, Килиан ҳам жамоамизга мослашиши шарт.

Биз унинг келганидан бағоят хурсандмиз. Чунки у ажойиб сифатларга эга. Унинг шахсиятини инобатга олиб, талабларимизга кўникиб кетишига ишонаман. Мбаппе ҳаммасини уддалай олишига ишончим комил, - деди Карло Анчелотти.

Килиан Мбаппе профессионал фаолиятида илк маротаба легионер мақомида тўп тепадиган бўлди. 25 ёшли тўпурар шу кунгача фақат Франция чемпионатида ўйнаб, “Монако” ва ПСЖ жамоалари шарафини ҳимоя қилган.