Анчелотти Неймарни терма жамоага чақирди

Италиялик Карло Анчелотти бошчилигидаги Бразилия терма жамоасининг мураббийлар штаби  2026 йилги Жаҳон Чемпионати учун кенгайтирилган таркибни шакллантирди. 

Маълум бўлишича, ушбу рўйхатга 55 нафар футболчи киритилган. Улар орасида "Зенит"нинг икки вакили, ҳужумчи Луис Энрике ва ҳимоячи Дуглас Сантос ҳам бор. Шунингдек, ушбу рўйхатда  "Барселона" ва ПСЖ клубларининг собиқ ҳужумчиси, ҳозирда  "Сантос"да ўйнаётган Неймар ҳам бор. "Селеcао"нинг жаҳон чемпионатига якуний аризаси турнир бошланишига яқин эълон қилинади.

Эслатиб ўтамиз,  ЖЧ-2026 гуруҳ босқичида Карло Анчелотти шогирдлари Шотландия, Марокаш ва Гаитига қарши баҳс олиб боради.

Абдувалиев Азизбек