Anchelotti Neymarni terma jamoaga chaqirdi

Italiyalik Karlo Anchelotti boshchiligidagi Braziliya terma jamoasining murabbiylar shtabi  2026 yildgi Jahon Chempionati uchun kengaytirilgan tarkibni shakllantirdi. 

Ma'lum bo'lishicha, ushbu ro'yhatga 55 nafar futbolchi kiritilgan. Ular orasida "Zenit"ning ikki vakili, hujumchi Luis Enrique va himoyachi Duglas Santos ham bor. Shuningdek, ushbu ro'yhatda  "Barselona" va PSJ klublarining sobiq hujumchisi, hozirda  "Santos"da o'ynayotgan Neymar ham bor. "Selecao"ning jahon chempionatiga yakuniy arizasi turnir boshlanishiga yaqin e'lon qilinadi.

Eslatib o'tamiz,  JCh-2026 guruh bosqichida Karlo Anchelotti shogirdlari Shotlandiya, Marokash va Gaytiga qarshi bahs olib boradi.