Анчелотти ўйиндан аввал Мбаппенинг ҳолати ва "Атлетико"нинг режаси ҳақида гапирди

“Реал Мадрид” бош мураббийи Карло Анчелотти “Атлетико”га қарши баҳс бошланишига бир неча дақиқа қолганда интервью бериб, Мбаппе асосий таркибдан жой олгани ва рақибнинг режаси ҳақида ўз фикрлари билан ўртоқлашди. 
 
"Килиан Мбаппе жуда яхши ҳолатда. У бўлажак учрашувга 100% тайёрлигини таъкидлаш жоиз. 


 
"Атлетико"нинг режаси? Улар бизни биринчи дақиқаларданоқ босиб олишади, бизни барча зоналардан сиқиб чиқаришга ҳаракат қилишади” - дея таъриф бериб ўтди италиялик мутахассис. 
 
Хабарингиз бор, бошланғич таркиблар эълон қилинмасдан аввал франциялик ҳужумчининг ўйинда иштирок этиши номаълум эди. Унда кичик жароҳат борлиги айтилаётган эди, лекин жамоа бош мураббийи юлдузни навбатдаги баҳсгача тайёр бўлганини айтди. 
 
Маълумот ўрнида, Чемпионлар лигаси доирасидаги илк дербида “қироллик клуби” 2:1 ҳисобида зафар қучган эди.