Анчелотти ўзи ва Мбаппе ҳақидаги саволга антиқа жавоб берди

“Реал”да ўзда катта ўзгаришлар бўлиши кутилмоқда. Биринчи навбатда, бош мураббий Карло Анчелоттининг шартномаси якунланяпти.

Қолаверса, кўпчиликни мадридликлар ёзда Килиан Мбаппе трансфери бўйича нима қарорга келиши қизиқтиряпти.

Журналистлар ҳар икки масалани Карло Анчелоттидан сўради. Италиялик мураббийнинг жавоби ҳар доимгидек мавҳум бўлди.

- Мен клубнинг ичида бўлаётган воқеалар, хусусан Килиан Мбаппе бўйича маълумотларни гапирмайман. Ўзимнинг келажагим борасида ҳам ҳеч қандай изоҳ бермайман, - деди Карло Анчелотти.